O PXOM VS “A CONQUISTA DO OESTE” #NogueiradeRamuín

Cavalry_and_Indians

Qué terá que ver o touciño coa velocidade? Pois… como todo é relativo, depende do prisma co que se mire e coa concordancia que  o maxín de cada quen lle poida inspirar…

Aló polo século XIX os políticos e grandes empresarios americanos, lobbies ávidos de especulacións e enriquecemento compulsivo e galopante, orquestaron o que se deu en chamar “a conquista do oeste”, desprazando, oprimindo e masacrando a centos de minorías étnicas de amerindios, que se viron despoxados da terra, da lingua, da independencia e da cultura, soterrada para sempre baixo os camiños de ferro.

Pasou a ser a terra prometida para moitos miles de colonos, aleccionados coa promesa de facerse con terra barata na que se asentar e prosperar. A construción do ferrocarril (ferramenta indispensable para a explotación dos recursos mineiros, fixar e conquistar o territorio) e os consiguientes fortes militares para dar protección os colonos, foron atenazando as tribus de amerindios ata case  lograr o exterminio de moitas delas ( o que non caía polas balas, as enfermidades europeas como a gripe ou a varíola encargábanse do resto, fortuita e intencionadamente tamén). As empresas do ferrocarril, posuidoras das terras o redor das estacións, comezaron a especular, enganando e falseando as virtudes da mesma, fomentando o efecto chamada sobre miles de colonos, charlatáns, quincalleiros, cazadores de fortuna, trampeiros, gambusinos (como non, a “febre do ouro” tamén foi un importante incentivo para moitos). As cidades fóronse desenvolvendo, abríronse casinos, bancos, salóns…  e tiveron un efecto imán sobre buscavidas, foraxidos, maleantes, pendencieros etc.  O descontrol, a mala vida, e a prostitución foron caldo de cultivo ideal para converter moitos destes lugares en “cidades sen lei”.

A sorte estaba botada sobre as tribus amerindias, o “cabalo de ferro” no seu imparable avance, chegou a contratar cuadrillas de cazadores (Buffalo Bill, foi un deles) para esquilmar as manadas de bisontes que tantos problemas lles ocasionaban, e o mesmo tempo acabar co medio de subsistencia destas tribus, reducindo así de forma indirecta a súa oposición enconada contra os atropelos que supuxo a construción desta infraestrutura.

 ¿Quién puede comprar o vender el cielo, el calor de la tierra?”

(Resposta do xefe indio Noah Seattle da tribu Swamish, en contestación á proposta do presidente Franklim Pierce para mercarlle as súas terras).

Os amerindios, diezmados, humillados, co orgullo ferido de morte, barridos da súa casa pola forza (velaí un dos maiores desafiuzamentos da historia da humanidade, mostrando o seu lado máis cruel e despiadado), teñen que aceptar e acatar tratados e condicións ( Tratado de forte Laramie) incumplidas moitas veces, outras quedouse todo en papel mollado, nos que os EE.UU.  cedíanlle en fideicomiso as chamadas “Reservas Nativo Americanas” (supoñen menos do 2% do territorio cando chegaron a ocupar o 97%) donde hoxe moitos dos descendentes malviven facendo “o indio” para os turistas, en casas baratas subsidiadas polo goberno, cadea perpetua da súa dependencia; con graves problemas de adiccións ao xogo, drogas, alcohol e como non, corrupción e depravación moral. (Si, tamén e verdade que os casinos, amparados polo vacío legal que rixe estas resevas, reportan uns importantes beneficios que na súa maior parte, remata na man dos lobbies empresariais que omnipresentemente acaban aparecendo e levando a tallada máis grande do pastel (“Reservatión Shopping”).

¿Qué venderon e amosaron a todo o mundo, do acontecido nesa época da historia americana?

Pois como non podía ser doutro xeito, en aras de exaltar a súa cruzada patriótica:

Déronnos a xustificación, a independencia, a bula pagada, a venda nos ollos, o unionismo, o honor, a prosperidade… a “liberdade iluminando o mundo”

E para iso, non se escatimou en medios, xa no XIX, apareceron as primeiras novelas do oeste, ambientadas no “far west”, espectáculos como o “Wild West Show” protagonizado por Buffalo Bill, Toro Sentado, Caballo loco… no que se recreaba o salvaxe oeste, e que pasados os anos revolucionaría a industria cinematografica co Western plagado de heroes que encarnan o simbolismo e os valores máis patrióticos e en máis estima da época, á vez que se tachaba os amerindios de rudos, incontrolados, crueis, salvaxes, e posuidores de armas químicas …ufff perdón, eso foi noutro tempo.

Recordando algúns titulos como: “La Diligencia”, “Fort Apache”, “Río Bravo”, “Río Rojo”, “Río Lobo”, “Murieron con las botas puestas”, “Solo ante el peligro”, “Por un puñado de dólares” “El bueno el feo y el malo” “El tesoro de Sierra Madre”…

A cruda realidade foi que así termina a VIDA e comeza o sobrevivir.. para os pobos amerindios.

Hoxe no XXI, pouco e moito cambiaron as cousas, seguimos atenazados polas mans da cobiza, da prepotencia, da inmoralidade, do orgullo finxido, do desprezo pola ética e a falla de conciencia. Nós tamén temos o noso cabalo de ferro, a construción da Autoestrada A-76, que ameaza directamente o noso patrimonio, a nosa cultura, e sobre todo, unha paisaxe ligada a unha forma de vida ancestral.

Todo comeza hai uns anos cando uns chupatintas carroñeiros, aproveitándose da ilícita información privilexiada e actuando con premeditación e alevosía,  ás costas dos veciños, empezan a especular coa chegada da autoestrada, subrepticiamente mércanse fincas e terreos susceptibles de “pelotazo urbanístico”. O resto xa o coñecemos: nula información e participación dos veciños e interesados, oscurantismo da administración, secretismo, imputacións … e para darlle lexitimidade, no 2008 encárgase a redacción do novo PXOM, dando validez xurídica e formal a moitos dos plans previstos (Polígono Industrial, previsión de vivenda nova cun aumento de 600/700,  concentración de servizos e equipamentos, reducción dos núcleos rurais…)

Esta banda de Cuatreros, charlatáns vendedores de fume, trileiros da linguaxe, quixéronnos convencer e vender as vantaxes do seu Plan, voltando a carga e desfibrilando o tema da A-76 o citala no PXOM como unha infraestrutura positiva e crucial para o desenvolvemento residencial e industrial do concello. Exaltando e comparando o modelo construtivo en altura (tipo Benidorm) como o” ideal para o noso concello”. ¿Pero de onde saíron istes asalta camiños?, istes “canijo e tiñoso”, para enxendrar tamaña barbaridade mental propia das musas bosquianas!!!

Destinan 107 mil metros cadrados para edificar 249 vivendas. Quénes son os propietarios destas terras? Quén vai dar o pelotazo? Faranse algún día, ou será unha especulación Express de despacho, sen necesidade de mover unha morea de terra?

Cál e o futuro previsto para os pequenos núcleos rurais do concello? Quizáis convertélos en “Reservas Rurais”? Poderemos tamén facer o “indio” e vender o noso viño como” viño de Reserva” e destilar “auga de lume” cos toxos e cas silveiras???

Menos películas e máis feitos, as Ribeiras dos nosos ríos Miño, Sil e Bubal, non se venden por un puñado de dólares, non estamos sós ante o perigo, e aínda que a loita prevese enconada, e mailo enpecinamento do bo, o feo e o malo, seguiremos na trincheira, loitando ata “felar” cas botas postas se e preciso, e nunca deixaremos que expolien o tesouro da Ribeira Sacra.

P.D. Rostro Pálido: Se tes moita presa por acelerar a aprobación do Plan, as presas e a velocidade, non son boas compañeiras. Vas ter que frotar moooito touciño para que che entre máis paseniñamente sin tanta fricción e molestias.

Fdo: El Llanero Solitario.

Notas:

“canijo e tiñoso”: Persoaxes da serie animada “Érase una vez el hombre”.

Felar: Morrer (Barallete)

 “A liberdade iluminando o mundo”. Título da Estatua da Liberdade.

“Reservation Shopping” Fenómeno consistente na compra de terras fóra das reservas para montar casinos fóra dos núcleos urbanos. Donde os empresarios consiguen unha parte dos beneficios a cambio de inversións, asistencia xurídica, relacións públicas cos lobbies …

Foto: Wikipedia

Anuncios

Charla e apuntes sobre a afección da A-76 pola Ribeira Sacra

fotomontaxe reunión

Fai uns días como xa vos comentamos a Plataforma contra a A-76 pola Ribeira Sacra contou coa presenza do enxeñeiro de camiños e veciño da zona Jorge Fernández Soto, que ofreceu unha interesante charla sobre as posíbeis afeccións que produciría esta autoestrada ao seu paso pola Ribeira Sacra.

Ao longo da súa intervención falou das consecuencias medioambientais, sociais e económicas que podería acarrear o trazado actual desta infraestrutura.

A continuación deixámosvos un documento cun pequeno resumo que nos achegou Fernández Soto sobre os aspectos máis salientábeis tratados na súa exposición agradecendo  dende eiqui de novo a súa colaboración.

Asemblea 30 abril 2016 Exposición Técnica Jorge Fdez Soto pdf

Saúdos! e a seguir!

Xuntanza co Delegado da Xunta en Ourense e o Presidente da Comisión de Fomento #A76

Nestes días vacacioais e de grandes calores estivais, a Plataforma contra a A76 pola Ribeira Sacra continúa co seu traballo de defensa das súas reivindicacións. Fai hoxe unha semana dúas representantes da Plataforma mantiveron unha xuntanza con Rogelio Martínez (Delegado Territorial en Ourense da Xunta de Galicia) e Celso Delgado (Deputado no Congreso por Ourense e Presidente da Comisión de Fomento).

O obxectivo desta reunión era coñecer de primeira man o estado actual do proxecto da autoestrada, sobre todo, despois de que xa pasaron varios meses do compromiso da Ministra de Fomento, Ana Pastor, de abrir un período de alegacións para o tramo que atinxe á Ribeira Sacra. Neste senso, Celso Delgado comunicounos que dende o Ministerio tiñan previsto comezar a desenvolver o proxecto da autoestrada nos primeiros tramos (os que afectan a O Bierzo e Valdeorras), e que o noso se atopaba paralizado e pendente de abrir prazo para formular alegacións. Do mesmo xeito, asegurounos que tan pronto se abrira o prazo para alegar a Plataforma sería das primeiras en coñecelo e que habería tempo suficiente para poder preparar as alegacións. Por outra banda, tamén nos comunicou que o propio Ministerio está a estudar posibles alternativas ao trazado aprobado que descorre pola Ribeira Sacra.

Rogelio Martínez transmitiunos que desde a Xunta de Galicia se entenden as nosas reivindicacións e esperan que se acade unha solución satisfactoria para todos, mais tamén nos lembrou que esta infraestrutura non era competencia autonómica. Desde a Plataforma comentámoslle que aínda que esta autoestrada é de competencia estatal, nos consideramos que o goberno autonómico algo terá que dicir sobre a mesma, pois descorre polo seu territorio e afecta gravemente ao seu patrimonio social, cultural e medioambiental. Do mesmo xeito, reiterámoslle que levamos case un ano agardando unha xuntanza con Alberto Núñez Feijóo, pois ademáis de ser o presidente da Xunta e un veciño máis da zona afectada e para nós sería moi interesante saber de primeira man o seu posicionamento sobre iste tema.

Veciñ@s de Coles en apoio á Plataforma contra a A-76 pola Ribeira Sacra

Moitos veciños e veciñas do concello de Coles estamos tratando de evitar quedar soterrados por autoestradas, futuras causantes da incomuniación entre as nosas poboacións; pois nuns anos este territorio pasará de non sufrir ningunha, a ser dúas as vías de alta capacidade que destrozarán o noso concello: a A-76 Ponferrada-Ourense, aprobada en marzo do ano 2014 e a A-56 Lugo-Ourense, pendente de execución.

O Concello de Coles ten unha superficie duns 38 km2, 3300 habitantes distribuídos en 85 núcleos de poboación, dentro de 11 parroquias das que a máis afectada polo trazado da A-76 é a de maior densidade en núcleos. Moita da xente que permanecemos eiquí en busca dunha vida rural tranquila, gozando da riqueza medioambiental da nosa zona, teremos que lidiar nun futuro con estas dúas vías que distarán unha da outra nun máximo de 3 Kms polo que partirán o noso pequeno Concello en varios pedazos. Ademáis, a mencionada Autoestrada A-76 chegará despois de ter estragado un paraxe natural e fermoso como é a Ribeira Sacra, que sen dúbida debería ser protexida e declarada Patrimonio da Humanidade como ben o merece.

Ó seu paso polo concello, a Autoestrada A-76 lindará a escasos metros de poboacións como Trasdorrío, Bamio de fondo, Cima de Vila, Ferreiros, Izás, Pol, Paradela, Sequeiros e Seoane; sendo as dúas últimas as máis directamente afectadas pois desaparecerán na súa maior parte ó ocupar o mesmo espazo que o do enlace das dúas autoestradas. Deste modo a vida cotiá da veciñanza quedará absolutamente prexudicada non só polo impacto directo que provocará a construción da infraestrutura ó lado das nosas casas senón tamén polas consecuencias a longo prazo no tocante ó illamento entre as aldeas, a afectación das augas dos pozos, a desaparición de parcelas e con elas opcións de ampliación das poboacións e a redución de solo agrícola, o efecto visual dos barrancos e viaductos, a perda de atractivo turístico da zona, así como a contaminación acústica.

Fermosos soutos, carballeiras e bosques de ribeira que conforman o noso entorno quedarán arrasados (fotos 1,2,3). O noso patrimonio arquitectónico verase na sombra dunha vía de alta capacidade, algúns exemplos son a igrexa de San Eusebio da Peroxa (foto 4), igrexa de San Xoán de Coles (foto 5) e o Pazo da Silva (foto 6).

O que podería ser un lugar onde vivir coa comodidade dunha cidade moi próxima pero cos encantos e vantaxes da vida rural, converterase nun territorio destinado ó progresivo despoboamento pola falta de atractivo rural, agrario e paisaxístico.

O noso abraio e decepción acentuáronse cando, despois de coñecer as noticias do trazado que destrozará o noso entorno, descubrimos que non só é innecesario senón que non ten xustificación pois coa execución da A-56 Lugo-Ourense e a da A-72 Monforte de Lemos-Chantada, cuxo estudo informativo tamén está aprobado; xa quedan perfectamente conexionadas todas as poboacións da zona oriental de Ourense que reclaman a construción da autoestrada.

¿Que necesidade existe de destrozar a Ribeira Sacra e inundar o concello de Coles con quilómetros de asfalto para comunicar Monforte e Ourense por dúas autoestradas? O aforro de tempo entre Monforte e Ourense pola A-76 será de escasos minutos respecto ó trazado entre Monforte-Chantada-Ourense polas A-72 e A-56. Debemos preguntarnos sobre a necesidade de establecer novas comunicacións nun tramo que xa quedará comunicado, cales son os custos e cales os beneficios, a grave destrución que esta infraestrutura vai producir na nosa fauna e flora autóctona, de valor e beleza incalculable, a expensas de gañar uns moi escasos minutos de reloxo.

foto1coles

Foto 1

foto2coles

Foto 2

foto3coles

Foto 3

foto4coles

Foto 4

foto5coles

Foto 5

foto6coles

Foto 6

Un ano de loita. Toca facer balance…

Hoxe cúmplese un ano dende que os veciños e veciñas de Nogueira de Ramuín nos enteramos por azar da triste nova de que o trazado da autoestrada A-76 ía atravesar as nosas aldeas e parte do territorio da Ribeira Sacra, candidata a Patrimonio da Humanidade, así que toca facer balance…

Un ano de loita, que se dí pronto, no que non podemos máis que dar GRAZAS e manifestar o noso orgullo, posto que co voso apoio e a axuda de todos e todas vos, son moitos os pequenos pasos que levamos dado na procura dunha alternativa máis sensata para este proxecto, que trate de preservar o valor patrimonial, natural e social da Ribeira Sacra.

365 días de traballo e colaboración co que conseguimos o apoio de moitas das institucións afectadas tais como a Deputación de Ourense, o Concello de Nogueira de Ramuín (aínda que un apoio tardío e moi insuficiente…), os Concellos de Coles e a Peroxa e o Valedor do Pobo xunto co seu equipo técnico, ademáis do firme compromiso da Ministra de Fomento, Ana Pastor, de abrir o período de exposición pública para o tramo de Monforte a Ourense, que convén recordar, nunca estivo exposto como tal.

Non é o caso da Xunta de Galicia que, por máis citas que temos pedido dende fai meses co señor Presidente Alberto Núñez Feijóo, o anterior Conselleiro de Cultura Xesús Vázquez e o delegado da Xunta en Ourense Rogelio Martínez, parece que a cousa non vai con eles… Porque non podemos crer que a estas alturas aínda non se fixesen eco das nosas reivindicacións… Tendo en conta ademáis que o señor Feijóo é veciño da zona… Esperamos que, antes de maio, algún deles poida recibirnos, porque, dicimos nós, alguna opinión terán ao respeto… ou é que non lles afecta que un dos valores máis importantes en Galicia como é a Ribeira Sacra vaia a sucumbir baixo o asfalto? Ven Fomento, mételles unha autoestrada no territorio do que son representantes públicos e de verdade que eles non teñen nada que dicir? Enfin…

Qué todavía nos queda tempo de loita por diante, polo que unha vez máis dende aquí agradecémosvos que continuedes ao noso lado, porque estamos convencidos e convencidas de que xuntos, habémolo conseguir!! E que algún destes días, o sentido común primará neste asunto.

Polo de pronto, esperamos que en breve, Fomento abra ese período de alegacións para que poidamos empezar a exercer o noso dereito á defensa do noso patrimonio, un patrimonio de TOD@S.
#RibeiraSacraPatrimonioHumanidade

reunion.ana.pastor.manuel.baltar.e.representantes.plataforma.NON.A.76.01

Carta de un vecino de Coles: “Autovía A-76 en positivo”

Os dejamos aquí una carta de un vecino de Coles sobre la A-76 aparecida hoy en los diarios La Región de Ourense y Diario de León, en la sección de Cartas al Director:

“Vecinos residentes en los ayuntamientos ourensanos de Coles, A Peroxa y Nogueira de Ramuín y del lucense Pantón, afectados por la futura autovía A-76 de Ponferrada a Ourense, NO NOS OPONEMOS A SU CONSTRUCCIÓN, pero sí manifestamos nuestra OPOSICIÓN clara a la construcción del tramo de esta autovía entre Coles (Ourense) y Monforte de Lemos pasando por Os Peares y, por tanto, ocupando territorio de estos cuatro ayuntamientos y de la propia Ribeira Sacra. Nos basamos para ello fundamentalmente en lo siguiente:

1. Para comunicar Ourense con Ponferrada debe aprovecharse el trazado de la autovía A-56 de Ourense a Chantada, pendiente de ejecución y la conexión de Chantada a Monforte por la ya proyectada autovía A-72 que unirá ambas poblaciones. Esta solución nos evita a todos los contribuyentes despilfarrar los más de 350 millones de euros que costará la A-76 de Monforte a Ourense (más de 11 millones de euros por kilómetro en este tramo); la lógica solución que proponemos representa un gasto público de CERO euros, estando previsto que las dos autovías por Chantada entren en funcionamiento antes de 2018.

2. Para satisfacer las legítimas demandas de comunicación rápida de Valdeorras y El Bierzo con el resto de Galicia, y en especial con sus puertos, es igual de válida esta solución a través de Chantada. Comunicar Monforte con Coles (la A-76 acaba en la A-56 en el ayuntamiento de Coles, no en el ayuntamiento de Ourense) atravesando la Ribeira Sacra y estos 4 ayuntamientos sólo ahorrará NUEVE minutos de tiempo de viaje respecto al recorrido por Chantada. Siendo cierto que la distancia de Ourense a Monforte es menor por Os Peares que por Chantada, la prevista limitación de la velocidad máxima a 80 kilómetros por hora para la casi totalidad del tramo de la A-76 por la Ribeira Sacra en lugar de los 120 kilómetros por hora que se permitirá en todo el recorrido por Chantada, hacen que la diferencia en tiempo entre ambos recorridos sea ínfimo.

3. La construcción de la A-76 entre Coles (Ourense) y Monforte de Lemos (Lugo) provocará un altísimo impacto negativo en aspectos medioambientales, poblacionales, económicos, agrícolas, de salud pública, de comunicación entre pequeñas poblaciones e incluso turísticos. Se impedirá para siempre la posibilidad de que la Ribeira Sacra pueda ser declarada Patrimonio de la Humanidad; desaparecerán miles de hectáreas de suelo agrícola fundamentalmente dedicadas hoy a viñedos acogidos a la D.O. Ribeira Sacra y a la denominación específica de origen Val do Miño, así como la implantación de futuras parcelas de cultivo de este recurso tan importante en estos ayuntamientos. A pesar de que los cuatro ayuntamientos se asientan en una zona de elevado valor paisajístico, la construcción de esta infraestructura dificultará su desarrollo turístico.

4. El recorrido de ambas autovías, A-56 y A-76, por el centro geográfico del ayuntamiento de Coles desmembrará su territorio en tres áreas que quedarán incomunicadas entre sí al quedar cortadas numerosas vías de comunicación entre sus poblaciones. Y, si pensamos en las posible compensaciones económicas que se recibirán por las expropiaciones, debemos recordar que sólo las propiedades que queden ocupadas físicamente por las calzadas de la autovía A-76 recibirán indemnización, mientras que las que queden afectadas por su trazado difícilmente serán compensadas.

En resumen, un ahorro de 9 minutos no justifica en absoluto la construcción del tramo Monforte a Coles (Ourense) de la autovía A-76, siendo de justicia realizar este recorrido aprovechando las autovías que pasarán por Chantada (Lugo) y que unirán de igual manera Ponferrada con Ourense con todas las ventajas de una vía rápida y segura.”

Miguel González Sobrino. Coles.

Coles: un concello gravemente afectado polo paso da A-76

Coles - Vista Xeral

Coles – Vista Xeral

O pasado sábado varios membros da Plataforma contra a A-76 pola Ribeira Sacra estivemos reunidos con veciños e veciñas do concello de Coles para poñermos en común as problemáticas concretas que suporá a construcción da autoestrada A-76 ao seu paso pola zona.

Compre destacar a singular problemática que posúe este Concello pois sufrirá o paso de dúas autoestradas que descorrerán case en paralelo polo seu territorio: a A56 (Lugo-Ourense) e a A76 (Ponferrada-Ourense).

Aldeas como A Silva, Trasdorrío, Mira de Cima, Ferreiros, Cima de Vila, Izás, Pol ou Paradela sufrirán as consecuencias da construcción da A76 que ao longo do seu trazado romperá e atravesará diversas poboacións afectando incluso a vivendas particulares.

No caso das aldeas de Sequeiros e Seoane a afección terá maior impacto xa que é o lugar onde está proxectado o enlace que unirá as autoestradas A-76 (Ponferrada-Ourense) e A-56 (Lugo-Ourense), o que icluso podería producir a desaparición destas poboacións.

Detalle trazado autoestradas A-76, A-56 e A-72

Detalle trazado autoestradas A-76, A-56 e A-72

Unha das conclusións ás que se chegou na reunión é que se fai bastante incomprensible que o concello de Coles teña que sufrir o impacto destas dúas autoestradas cando a A-56 (Lugo-Ourense), xa aprobada e en execución, e a A-72 (Chantada-Monforte) converten o tramo da A-76 (Monforte-Ourense) nun innecesario despilfarro de recursos públicos e nunha agresión social, patrimonial e medioambiental.

Desde a Plataforma quedamos moi satisfeitos co resultado desta xuntanza, posto que ainda que xa contabamos co apoio do concello de Coles tras unha moción presentada por este no mes de maio, facíase moi necesario intercambiar impresións coa veciñanza.

 

 

 

 

Carta aos Reis Magos #NogueiradeRamuín

Deixámosvos eiquí unha carta aos Reis Magos que nos fai chegar un neno de Nogueira de Ramuín (Ourense) e aproveitamos para desexarvos a tod@s unhas Felices Festas! Os nosos mellores desexos para o ano 2015, a ver se entre tod@s conseguimos por fin unha alternativa para a A-76 pola Ribeira Sacra.

IMG-20141214-WA0009

                                                                                     Forno Vello 15 de decembro 2014

                       Queridos Reis Magos,

            Sinto non poder asistir á recepción que terán vostedes na casa do concello de Nogueira de Ramuín. Por se non están enterados, aproveito para lles informar que esa non é a casa dos veciños, é un cortixo particular e privado. Alí manda o Sr. Alcalde, ou eso dín, anque as malas linguas, e as boas tamén, dín que quen manda é a Secretaria.

            Meu pai dí que xa esta farto de tanto protocolo, que teñen máis pompa que os Borbóns, e menos vergoña aínda. E eu penso que algo de razón terá, porque para ver as súas maxestades, queren que o solicitemos no concello por escrito, pedir unha instancia, cubrila e presentala antes do día 31 de decembro. E logo, darán acreditación?

        Será pola afluencia masiva de público. Neste concello estáse a poñer a cousa moi difícil, eso, e tendo en conta os poucos nenos que somos de 0 a 10 anos… non sei se lles compensará facer tanta viaxe para tan parco evento.

            Teñan en conta que as carreteiras sonlle fodidas, perdón! Quixen dicir fastidiadas, eso que como dí meu pai, o Sr. Alcalde tentounos meter unha autoestrada polo medio do pobo, chámanlle A-76…se alomenos servise para que as súas maxestades chegasen antes… non estaría mal, pero claro, non creo que vostedes esten pola labor de adiantar a data do reparto, pois por exemplo para o 29 ou 30 estaría ben.. non si?

            Por eso que se estes pailáns, con perdón, na súa carta lles pediron unha autoestrada, fáganlles como me fixeron a min o ano pasado, e un saquiño ben cheo de carbón non lles virá mal, como dí meu pai, para facer orella, pois portar, portar.. non se lles portaron nada ben, e explícolles:

  • Non lles atenden os veciños, vivenlle noutro nivel!! e cando o fan, sempre con cara de can ou ferreiro, segundo o día, dí meu pai que cando contan unha verdade, caelles un brazo, e de momento non hai ninguén manco.
  • O concello, parece o corral da pacheca, moita xente a barallar e pouca a traballar. Por certo os poucos que queren traballar, non os deixan!! Non vaia ser que contaxien o resto.
  • Outros adícanse a pasear cos coches do concello os días libres e fins de semana, claro…como está o gasoil barato! Incluso os utilizan para os desprazamentos diarios ao seu domicilio, que a maioría ten en Ourense. Menos mal que teñen poucos coches, que se non en vez dun concello, parecería unha filial da Repsol.
  • Os cartos, de todos, dúranlle menos que unha lambetada á porta do meu cole. Sííí xa sei que a mín tamén me queima o euro que me dan os domingos para tomar o refresco, pero eu ao gastalo, alá foi, finito. Istes señores gastan o do domingo e o de cincocentos domingos máis. E non pode ser que eu, sen comelo nen bebelo, e con cinco anos, teña unha débeda de 1600 euros, mi madriña o que eu faría con todo iso…
  • A xente maior, os avós, lévanlles a casa tódolos anos polo Nadal un agasallo. Dí meu pai que nós, os cativos, temos que subir a Luintra a buscalo, previa inscripción e audiencia, e todo porque a nós os rapaces, aínda nos faltan moitos anos para poder votar…xa teño unhas ganas!!!
  • Onte saíu na prensa, que o concello de N. de Ramuín, ten un gasto en servicios sociais de 270 euros por habitante; xa que van vostedes alí,(aínda que non conten moito con que os reciba o Sr. Alcalde, elle home moi ocupado!), déixenlle recado, que pola miña parte e da miña familia, a inversión que nos toca en servicios sociais dos próximos seis anos, nola invirta en pagar a débeda, a ver se así quedamos dunha vez a cero, porque total, un peso desa inversión non o imos ver!! Daiquí a seis anos, xa estarei fóra do rango dos agraciados polas súas maxestades, terei once anos, pero cun pouco de sorte meu irmán pequeno poderase beneficiar da mellor situación económica.

     A parte do carbón, traíanlles ganas de traballar polos veciños, e vergoña, a ver se así prestan o seu  apoio incondicional na loita contra a A-76, e pídolles cabeciña para que a inversión e o gasto económico sexa máis sensato, social e racional, que tente espertar do sono soporífero no que se encontra o concello, e non conformarse con velo languidecer como ata o dagora.

      En resumo, se teñen que ir, vaian, porque os cartos vanos gastar igual, se non e en chufas será en caramelos, que non lle dan puntada sen fio!! E o próximo ano, por nós, non se sintan obrigados, pois entendemos que as cousas fanse doutro xeito. Na Penalba e Ferreirúa xa lles enviamos a carta por correo certificado, porque se a levamos o concello non temos ningunha garantía de que saian. Se tiñan pensado deixarnos a min e a meu irmán algún agasallo como adianto en Luintra, fagan o favor de decirlle a Sra. Secretaria, que os remita a sede da Cruz Bermella de Ourense, que a ven seguro haberá algún neno que o precise máis ca nós.

P.D. Se non lles gusta o licor, ese negro que fai meu pai, sen compromiso, dígano, que temos outras bebidas moito máis boas.

reis luintra

Cartaz anunciador dos Reis Magos en Luintra (Nogueira de Ramuín)

O pasado 2 de outubro

O pasado 2 de Outubro, entereime que se debatía na comisión de Ordenación Territorial da Xunta unha proposición non de lei, presentada no rexistro o día 20 de maio por Consuelo Martínez García, parlamentaria do grupo AGE por Pontevedra, na que propuña ao parlamento de Galicia, que instase ao Ministerio de Fomento a anular a variante 9 da A-76. E de non ser posible, buscar un proxecto alternativo que evitase a afección sobre calquera núcleo habitado, de modo que non deteriore o medio rural e humán da Ribeira Sacra.

A exposición de defensa da proposta por parte da Sra. Consuelo, foi moi acertada e valente, fruto da preparación, do coñecemento e da sensibilidade, proposta apoiada pola parlamentaria do BNG. Non podo dicir o mesmo do resto de parlamentarios da comisión, pois votaron en contra da proposta PP, PSG e a parlamentaria do grupo mixto a Sra. Carmen Iglesias Sueiro, que naceu en Ourense, mestra, e ligada a EU (dous votos a favor, 11 en contra).

Non se trataba de parar a execución da autoestrada, simplemente, pedíase que non afectase a núcleos habitados, habitados por PERSOAS, … Srs. Parlamentarios, son vostedes conscientes do que realmente rexeitaron na comisión?.! Xa vedes o que lles importan as persoas que vivimos no rural!, Casi nada! Qué lixeireza, qué desprezo máis arbitrario! ¿cómo lles vai importar que se destroce unha parte da Ribeira Sacra?. Mirando para outro lado, están vostedes promovendo o desafiuzamento do rural, xa de por sí castigado e penado polas administracións locais.

Por máis voltas que se lle dé, non cabe na cabeza de ninguén. Cómo é posible, que estas persoas que ocupan un posto relevante na administración, elexidos por todos nós para gobernarnos e velar polos intereses do pobo, teñan a desfachatez de ningunearnos, sen inmutarse ante tales aseveracións. Istes yihadistas do rural , vadulaques encadeados os intereses partidistas, servos das grandes empresas, tentan convencernos con discursos babilónicos, argumentos efímeros e rastreiros da necesidade de antepoñer os intereses xerais, ao localismo dunha minoría.

O interese xeral, é o que cambia a Alternativa 7 (a mellor valorada polos técnicos e pola empresa encargada do proxecto) por unha nova que estraga kms de ribeira do Sil e do Miño, para converterse nunha autoestrada de terceira, cunha velocidade media de 80 km/h, e curvas limitadas a 70 km/h.?

É interese xeral, resolver o trazado cunha alternativa nova, que non pasa por un período de exposición pública, a pesares do gravísimo impacto ambiental que provoca na Ribeira Sacra?

É interese xeral, que os veciños de tres parroquias de Nogueira de Ramuín teñamos que resignarnos a sufrir a indefensión e desinformación da administración local durante todo o proceso de información pública?

É interese xeral, que se desvíe o trazado para salvar unha viña en Valdeorras, e que se nos intente sustraer o dereito a defender as nosas casas e a paixase de todos?

Esten tranquilos Srs. Parlamentarios, non lles pedimos cartos, non sufran, e moito menos esmola. Exisimos os nosos dereitos, e rigor, argumenten o seu voto, e non nos condeen sen antes podernos defender.

Iste trazado e incompatible coa Candidatura a Patrimonio da Humanidade da Ribeira Sacra, e SÍ Sr. Gomez Alonso, aínda que lle pese, a autoestrada proxectada A -76 pasa pola Ribeira Sacra, afectando a Rede Natura 2000, concretamente o LIC canon do Sil. Cando se aventure a facer declaracións demagóxicas, tan de moda no mundillo político, pense que ai xente a que non lles valen os trucos de prestidixitador barato, ou  de quincalleiro resabiado, pois e tan sinxelo como abrir as ferramentas das que tamen dispon a Xunta (Visor Sixpac) para comprobar que na desembocadura do Sil no Miño, e dentro da zoa protexida polo LIC, esta proxectado un viaduto de 461 m de longo, que salva o río Sil a unha altura de 160m sobre o mesmo! Impresionante, que un enclave desta natureza, teña que claudicar pola impericia e cabezoneria do xenero humán! Entérese.

Neste país, algunhas persoas, teñen o vicio ancestral de xogar a “move-los marcos”, e esta vez, a Xunta, respaldando a decisión do Ministerio de Fomento, tentaron colarnos a A -76 pola Ribeira do Miño, retirando os marcos do mapa da Rede Natura 2000 (lic canon do sil) cara o interior; peero…, pilláronse as mans, pois quedoulle unha beira do mapa sen retranquear. Logo dirán que só afecta a un anaco, ou que foi un erro topográfico… que sei eu. Poñan o marco onde o poñan, o dano vai ser o mesmo. Os ríos, non van cambiar de sitio.

E voltando os localismos, Srs. Parlamentarios, que consideran vostedes como localismo?

As lexítimas reivindicacions de 10, 20, 50 ,100 … 10000 habitantes?

A consideración como patrimonio da HUMANIDADE dun territorio tamén e localismo?

Localismo, tamén é a xestión que facemos na miña casa, pero presumimos de demócratas, escoitamos e discutimos tódalas discrepancias e suxerencias (esto non me gusta… non quero a sopa… comprame esto ou estoutro…) e despois de meditalas concienzudamente e valoralas, tamen as resolvemos primando o interese xeral, eso sí, sempre e cando as decisións non beneficien a alguén en detrimento de outros.  A base primordial de toda convivencia, e saber tomar decisións consensuadas, sobre todo cando afectan a tódolos que vivimos baixo o mesmo teito.

Déixense de choutar balóns fóra, e teñan a decencia de facer o seu traballo con rigor e seriedade, dense unha volta pola Ribeira Sacra, que como verán esta tan verde coma vostedes en coñecemento da zona; síntana, disfrútena, pois é lugar imcomparable para a relaxación e a reflexión. Reflexionen, e se teñen capacidade para obrar con sentimento, como “persoas” sen ataduras, rectifiquen, saquen a cabeza da terra, ou metana, deisen de se enrrocar, e cando menos, escoiten, informense, e despois discutan no parlamento, porque unha boa decisión se é consensuada, o día seguinte é historia, pero as malas, como as palabras, son as que lastran os feitos e perduran no tempo. Alá vostedes, se son quen de soportar tal lousa no lombo.

Poderánse tornar os ríos e regatos, estragar as súas ribeiras, poderán fender a fraga, achandar os socalcos da ribeira, arrincar carballos e viñas.. pero o que non poderan minar nunca, e o orgullo e a teima do pobo.

Benchodixen.

IMG-20140414-WA0058

Axúdanos a frear este desastre medioambiental, cultural e humán: https://www.change.org/p/no-a-la-autov%C3%ADa-a-76-por-la-ribeira-sacra-por-la-defensa-de-un-patrimonio-milenario 

Xornada Festivo-Informativa sobre a A-76

O vindeiro domingo 5 de outubro a partir das 10 da mañá a Plataforma Contra a A-76 pola Ribeira Sacra celebrará  unha xornada festivo-informativa  que tratará de dar a coñecer o patrimonio material e inmaterial, a paisaxe e os núcleos de poboación polos que está previsto que discorra a autoestrada A-76.

 Esta xornada incluirá:

  • ROTEIRO SOBRE A A-76:

Este Roteiro transcorrerá polas aldeas de Souto de Chao (saída), A Seara, Casdecid, Vilanova, Barxela, Zumento, Celeiros, O Val, Forraqueira, A Pereira, Ferreirúa e A Penalba ata rematar na capela da Costria.

Todo o percorrido pasará polas poboacións das parroquias de Viñoás e a Carballeira (Nogueira de Ramuín, Ourense) que se verán gravemente afectadas pola construcción desta vía de alta capacidade.

  • XANTAR POPULAR:

Celebrarase unha comida popular na contorna da capela da Costria.

Haberá unha pulpeira para quen queira comer polbo á feira previo encargo (Telf. 622236424-615422437).

  • MÚSICA E OUTRAS ACTIVIDADES LÚDICAS:

Rematada a comida popular continuarase a xornada festiva co acompañamento musical da charanga B.C.B.  e outras actividades lúdicas como a actuación solidaria do monologuista Tito Rober.

  • CONCURSO FOTOGRÁFICO:

Finalidade: Divulgar as nosas reivindicacións e plasmar a beleza das nosas paisaxes, aldeas e costumes.

Bases do concurso:

Máximo 2 fotografías por participante tomadas durante a xornada.

Plazo presentación fotografías: Sábado 11 de Outubro

(Enviar fotos a pcontraautoviaribeirasacra@gmail.com)

Plazo votacións: Sábado 18 de Outubro

Votacións: Publicaranse as fotografías en Facebook, e os seguidores da Plataforma escollerán a foto gañadora cos seus votos, sendo a foto gañadora a que máis votos consiga.

En caso de empate, expoñeránse durante un prazo de 3 días,  únicamente as fotos que conseguiran o empate, e volveráse a facer unha nova votación pública,  para acadar unha única foto gañadora.

Publicaranse sen  nome de autor e según orde de recepción para velar pola transparencia e igualdade do concurso

Cada concursante, ó enviar a fotografía, cede os dereitos de autor para facer uso con fins divulgativos das actividades da Plataforma Non A-76. En ningún caso se utilizarán con fins comerciais.

Premio: Cea para dous personas no hotel rural O Remanso dos Patos, Penalba, Nogueria de Ramuín.

Anímate e CAMIÑA CON NÓS CONTRA A A-76 pola RIBEIRA SACRA!!! 

CARTEL ROTEIRO

CÓMO CHEGAR: 

Punto de partida do Roteiro: Souto do Chao, aldea ubicada na marxe da comarcal  C-546 (Coordenadas 42.415627, -7.775586).  Saíndo de Ourense pola Lonia, coller hacia Velle e seguir sen desviarse pola C-546 estrada vella de Monforte durante 13 km aprox. pasando polas aldeas de Velle, Vilariño, Melias e o cruce de Almorfe ata chegar ao destino. Outra opción, dende Ourense coller a nacional N-120 dirección Monforte e apartar á dereita no cruce que pon Melias. Continuar en Melias pola C-546 uns kilómetros ata chegar a Souto do Chao.

Capela da Costria para o xantar: Dende Ourense coller dirección Monforte pola nacional N-120 durante 17 km e apartar  á dereita no cruce Luintra-Parador Santo Estevo un pouco antes de chegar a Peares (Coordenadas Costria 42.441225, -7.743575)

 Para máis información: pcontraautoviaribeirasacra@gmail.com