A Greleira Viaxeira

IMG_3793

Greleira era o nome usado pra denominar á camisa en barallete, o argot usado polos afiadores ourensáns.

Moitas das aldeas afectadas polo paso da A-76 pola Ribeira Sacra pertencen a Nogueira de Ramuín, terra de afiadores. O feito de usar o barallete no nome desta acción é  unha pequena homenaxe a todos eles que viaxaron e levaron a súa xerga e costumes alén das nosas fronteiras.

Coa Greleira Viaxeira queremos dar a oportunidade a todos os que vos atopades fóra por motivos de traballo, estudos ou que sodes fillos ou netos de emigrantes, pra poder expresar o voso rexeitamento ao paso da A-76 pola Ribeira Sacra.

Tamén os que alguna vez visitástedes ou vivides na Ribeira Sacra e sabedes que esto é un verdadeiro paraíso natural que debe ser protexido así como pra os que a coñecedes a través da televisión, libros, internet ou outros medios, e pensades ca nosa loita ten sentido.

As veces hai pequenas accións que están cheas de contido. Esta é a finalidade da Greleira Viaxeira: achegar un problema que a priori parece local e demostrar os nosos políticos que eles tamén deben tomar conciencia da especial fraxilidade desta xoia natural.

Inda que a idea orixinal era facer a “camiseta viaxeira”, de ahí o nome desta acción, plantexamos a necesidade de ampliar este proxecto pra dar cabida a máis xente. Así que con camiseta ou co noso logo que podes descargar e imprimir eiquí, envía a túa foto á dirección de correo electrónico pcontraautoviaribeirasacra@gmail.com e será publicada neste blogue e en redes sociais.

O punto de partida desta acción é a Penalba, concello de Nogueira de Ramuín,  unha das zonas máis afectadas polo paso da A-76 pola RS  e a aldea onde xurdíu a nosa plataforma.

Esperamos as vosas fotos… (Recibidas xa algunhas! Visita a nosa galería da Greleira Viaxeira).

Grazas!

 LOGO Plataforma

Xornada Festivo-Informativa sobre a A-76

O vindeiro domingo 5 de outubro a partir das 10 da mañá a Plataforma Contra a A-76 pola Ribeira Sacra celebrará  unha xornada festivo-informativa  que tratará de dar a coñecer o patrimonio material e inmaterial, a paisaxe e os núcleos de poboación polos que está previsto que discorra a autoestrada A-76.

 Esta xornada incluirá:

  • ROTEIRO SOBRE A A-76:

Este Roteiro transcorrerá polas aldeas de Souto de Chao (saída), A Seara, Casdecid, Vilanova, Barxela, Zumento, Celeiros, O Val, Forraqueira, A Pereira, Ferreirúa e A Penalba ata rematar na capela da Costria.

Todo o percorrido pasará polas poboacións das parroquias de Viñoás e a Carballeira (Nogueira de Ramuín, Ourense) que se verán gravemente afectadas pola construcción desta vía de alta capacidade.

  • XANTAR POPULAR:

Celebrarase unha comida popular na contorna da capela da Costria.

Haberá unha pulpeira para quen queira comer polbo á feira previo encargo (Telf. 622236424-615422437).

  • MÚSICA E OUTRAS ACTIVIDADES LÚDICAS:

Rematada a comida popular continuarase a xornada festiva co acompañamento musical da charanga B.C.B.  e outras actividades lúdicas como a actuación solidaria do monologuista Tito Rober.

  • CONCURSO FOTOGRÁFICO:

Finalidade: Divulgar as nosas reivindicacións e plasmar a beleza das nosas paisaxes, aldeas e costumes.

Bases do concurso:

Máximo 2 fotografías por participante tomadas durante a xornada.

Plazo presentación fotografías: Sábado 11 de Outubro

(Enviar fotos a pcontraautoviaribeirasacra@gmail.com)

Plazo votacións: Sábado 18 de Outubro

Votacións: Publicaranse as fotografías en Facebook, e os seguidores da Plataforma escollerán a foto gañadora cos seus votos, sendo a foto gañadora a que máis votos consiga.

En caso de empate, expoñeránse durante un prazo de 3 días,  únicamente as fotos que conseguiran o empate, e volveráse a facer unha nova votación pública,  para acadar unha única foto gañadora.

Publicaranse sen  nome de autor e según orde de recepción para velar pola transparencia e igualdade do concurso

Cada concursante, ó enviar a fotografía, cede os dereitos de autor para facer uso con fins divulgativos das actividades da Plataforma Non A-76. En ningún caso se utilizarán con fins comerciais.

Premio: Cea para dous personas no hotel rural O Remanso dos Patos, Penalba, Nogueria de Ramuín.

Anímate e CAMIÑA CON NÓS CONTRA A A-76 pola RIBEIRA SACRA!!! 

CARTEL ROTEIRO

CÓMO CHEGAR: 

Punto de partida do Roteiro: Souto do Chao, aldea ubicada na marxe da comarcal  C-546 (Coordenadas 42.415627, -7.775586).  Saíndo de Ourense pola Lonia, coller hacia Velle e seguir sen desviarse pola C-546 estrada vella de Monforte durante 13 km aprox. pasando polas aldeas de Velle, Vilariño, Melias e o cruce de Almorfe ata chegar ao destino. Outra opción, dende Ourense coller a nacional N-120 dirección Monforte e apartar á dereita no cruce que pon Melias. Continuar en Melias pola C-546 uns kilómetros ata chegar a Souto do Chao.

Capela da Costria para o xantar: Dende Ourense coller dirección Monforte pola nacional N-120 durante 17 km e apartar  á dereita no cruce Luintra-Parador Santo Estevo un pouco antes de chegar a Peares (Coordenadas Costria 42.441225, -7.743575)

 Para máis información: pcontraautoviaribeirasacra@gmail.com

De Feira en Luintra no #DíadeGalicia

Como cada vintecinco de mes, o pasado venres, había feira en Luintra (Nogueira de Ramuín). Este era un vintecinco especial, xa que se celebraba o día da Nosa Terra, o día do Apóstolo.

Para os veciños de Penalba, Carballeira, Ferreirúa… tamén foi un 25 diferente, xa que acudiron a Luintra coa Mesa informativa, convertindo esta xornada, non só nun día lúdico, senon tamén reivindicativo, onde tiveron a oportunidade de expoñer aos veciños do Concello así como aos turistas que se achegaban polo lugar, as afeccións da A76 pola Ribeira Sacra, os planos do trazado e mostrar que inda quedan folgos para continuar con esta loita.

IMG-20140725-WA0016
IMG-20140725-WA0013

Unha vez máis grazas polo apoio, pola vosa solidaridade, polos ánimos e polas sinaturas que acadamos, porque cada unha destas sinaturas, cada unha das vosas verbas de alento, son un motivo máis pra continuar.

Seguiremos facendo mesas informativas e outras actividades nas que xa estamos traballando . En canto teñamos confirmación das mesmas, teredes coñecemento a través da páxina de facebook, twitter e aquí no blogue.

Porque a Ribeira Sacra é Patrimonio da Humanidade, nos pertence a todos… NON podemos permitir que nola asoballen. NON A-76 pola Ribeira Sacra!!!

Na XXI Feira do Viño da Ribeira Sacra de Pantón

IMG_0084

Esta fin de semana estivemos cunha mesa informativa da Plataforma en Ferreira de Pantón, onde se celebraba a XXI edición da Feira do Viño pra dar a coñecer os caldos desta parte da Ribeira Sacra.

Alegrános ver que o sector vitivinícola da zona está en auxe e cada vez son máis os interesados  en disfrutar e coñecer os viños de alta calidade elaborados aquí. Viños producidos tal e como facían os nosos antepasados e uvas cultivadas con agarimo en bancais case inaccesibles que ademáis de formar parte da nosa complexa e fermosa orografía tamén aportan elegancia e intensidades aos nosos caldos.

Ata Ferreira achegaronse turistas, veciños e expertos etnólogos, os cales mostraron interese no trazado da A-76 solicitando información acerca da afectación da Ribeira Sacra e na maior parte dos casos brindaronnos  o seu apoio, asinando na recollida de sinaturas que a Plataforma está a facer tanto en papel como na Web change.org.

IMG_0093

Seguiremos acudindo coa mesa informativa a outros puntos de interese pra poder explicar as accións que se están a levar a cabo, resolver dúbidas, ensinar planos e estar en contacto directo con todos vós.

Unha vez máis…GRAZAS!!!!

IMG_0096

IMG_0097