O pasado 2 de outubro

O pasado 2 de Outubro, entereime que se debatía na comisión de Ordenación Territorial da Xunta unha proposición non de lei, presentada no rexistro o día 20 de maio por Consuelo Martínez García, parlamentaria do grupo AGE por Pontevedra, na que propuña ao parlamento de Galicia, que instase ao Ministerio de Fomento a anular a variante 9 da A-76. E de non ser posible, buscar un proxecto alternativo que evitase a afección sobre calquera núcleo habitado, de modo que non deteriore o medio rural e humán da Ribeira Sacra.

A exposición de defensa da proposta por parte da Sra. Consuelo, foi moi acertada e valente, fruto da preparación, do coñecemento e da sensibilidade, proposta apoiada pola parlamentaria do BNG. Non podo dicir o mesmo do resto de parlamentarios da comisión, pois votaron en contra da proposta PP, PSG e a parlamentaria do grupo mixto a Sra. Carmen Iglesias Sueiro, que naceu en Ourense, mestra, e ligada a EU (dous votos a favor, 11 en contra).

Non se trataba de parar a execución da autoestrada, simplemente, pedíase que non afectase a núcleos habitados, habitados por PERSOAS, … Srs. Parlamentarios, son vostedes conscientes do que realmente rexeitaron na comisión?.! Xa vedes o que lles importan as persoas que vivimos no rural!, Casi nada! Qué lixeireza, qué desprezo máis arbitrario! ¿cómo lles vai importar que se destroce unha parte da Ribeira Sacra?. Mirando para outro lado, están vostedes promovendo o desafiuzamento do rural, xa de por sí castigado e penado polas administracións locais.

Por máis voltas que se lle dé, non cabe na cabeza de ninguén. Cómo é posible, que estas persoas que ocupan un posto relevante na administración, elexidos por todos nós para gobernarnos e velar polos intereses do pobo, teñan a desfachatez de ningunearnos, sen inmutarse ante tales aseveracións. Istes yihadistas do rural , vadulaques encadeados os intereses partidistas, servos das grandes empresas, tentan convencernos con discursos babilónicos, argumentos efímeros e rastreiros da necesidade de antepoñer os intereses xerais, ao localismo dunha minoría.

O interese xeral, é o que cambia a Alternativa 7 (a mellor valorada polos técnicos e pola empresa encargada do proxecto) por unha nova que estraga kms de ribeira do Sil e do Miño, para converterse nunha autoestrada de terceira, cunha velocidade media de 80 km/h, e curvas limitadas a 70 km/h.?

É interese xeral, resolver o trazado cunha alternativa nova, que non pasa por un período de exposición pública, a pesares do gravísimo impacto ambiental que provoca na Ribeira Sacra?

É interese xeral, que os veciños de tres parroquias de Nogueira de Ramuín teñamos que resignarnos a sufrir a indefensión e desinformación da administración local durante todo o proceso de información pública?

É interese xeral, que se desvíe o trazado para salvar unha viña en Valdeorras, e que se nos intente sustraer o dereito a defender as nosas casas e a paixase de todos?

Esten tranquilos Srs. Parlamentarios, non lles pedimos cartos, non sufran, e moito menos esmola. Exisimos os nosos dereitos, e rigor, argumenten o seu voto, e non nos condeen sen antes podernos defender.

Iste trazado e incompatible coa Candidatura a Patrimonio da Humanidade da Ribeira Sacra, e SÍ Sr. Gomez Alonso, aínda que lle pese, a autoestrada proxectada A -76 pasa pola Ribeira Sacra, afectando a Rede Natura 2000, concretamente o LIC canon do Sil. Cando se aventure a facer declaracións demagóxicas, tan de moda no mundillo político, pense que ai xente a que non lles valen os trucos de prestidixitador barato, ou  de quincalleiro resabiado, pois e tan sinxelo como abrir as ferramentas das que tamen dispon a Xunta (Visor Sixpac) para comprobar que na desembocadura do Sil no Miño, e dentro da zoa protexida polo LIC, esta proxectado un viaduto de 461 m de longo, que salva o río Sil a unha altura de 160m sobre o mesmo! Impresionante, que un enclave desta natureza, teña que claudicar pola impericia e cabezoneria do xenero humán! Entérese.

Neste país, algunhas persoas, teñen o vicio ancestral de xogar a “move-los marcos”, e esta vez, a Xunta, respaldando a decisión do Ministerio de Fomento, tentaron colarnos a A -76 pola Ribeira do Miño, retirando os marcos do mapa da Rede Natura 2000 (lic canon do sil) cara o interior; peero…, pilláronse as mans, pois quedoulle unha beira do mapa sen retranquear. Logo dirán que só afecta a un anaco, ou que foi un erro topográfico… que sei eu. Poñan o marco onde o poñan, o dano vai ser o mesmo. Os ríos, non van cambiar de sitio.

E voltando os localismos, Srs. Parlamentarios, que consideran vostedes como localismo?

As lexítimas reivindicacions de 10, 20, 50 ,100 … 10000 habitantes?

A consideración como patrimonio da HUMANIDADE dun territorio tamén e localismo?

Localismo, tamén é a xestión que facemos na miña casa, pero presumimos de demócratas, escoitamos e discutimos tódalas discrepancias e suxerencias (esto non me gusta… non quero a sopa… comprame esto ou estoutro…) e despois de meditalas concienzudamente e valoralas, tamen as resolvemos primando o interese xeral, eso sí, sempre e cando as decisións non beneficien a alguén en detrimento de outros.  A base primordial de toda convivencia, e saber tomar decisións consensuadas, sobre todo cando afectan a tódolos que vivimos baixo o mesmo teito.

Déixense de choutar balóns fóra, e teñan a decencia de facer o seu traballo con rigor e seriedade, dense unha volta pola Ribeira Sacra, que como verán esta tan verde coma vostedes en coñecemento da zona; síntana, disfrútena, pois é lugar imcomparable para a relaxación e a reflexión. Reflexionen, e se teñen capacidade para obrar con sentimento, como “persoas” sen ataduras, rectifiquen, saquen a cabeza da terra, ou metana, deisen de se enrrocar, e cando menos, escoiten, informense, e despois discutan no parlamento, porque unha boa decisión se é consensuada, o día seguinte é historia, pero as malas, como as palabras, son as que lastran os feitos e perduran no tempo. Alá vostedes, se son quen de soportar tal lousa no lombo.

Poderánse tornar os ríos e regatos, estragar as súas ribeiras, poderán fender a fraga, achandar os socalcos da ribeira, arrincar carballos e viñas.. pero o que non poderan minar nunca, e o orgullo e a teima do pobo.

Benchodixen.

IMG-20140414-WA0058

Axúdanos a frear este desastre medioambiental, cultural e humán: https://www.change.org/p/no-a-la-autov%C3%ADa-a-76-por-la-ribeira-sacra-por-la-defensa-de-un-patrimonio-milenario 

Anuncios

Reflexións sobre as últimas novas da A-76 na Ribeira Sacra

Vista do Miño e de "O Mesón"

Vista do Miño e de “O Mesón”

Nos últimos días puidemos ler, tanto na páxina de Deputación de Ourense como nalgúns xornais provinciais e autonómicos, titulares coma estes:

BALTAR CONSEGUE QUE FOMENTO ABRA UN NOVO PERÍODO DE INFORMACIÓN PÚBLICA NO TRAMO DA PENALBA

LA AUTOVÍA A-76 SERÁ SOMETIDA A OTRO PERÍODO DE ALEGACIONES EN LA RIBEIRA SACRA

Fomento comunicó a Manuel Baltar que volverá a exponerlo al público y revisará el trazado, mientras licita el resto de tramos para evitar demoras

LA A-76 A SU PASO POR PENALBA SE ABRIRÁ OTRA VEZ A INFORMACIÓN

EL TRAZADO DE LA A-76 EN LA RIBEIRA SACRA PODRÁ VARIAR

Baltar consigue que Fomento acepte someter al polémico tramo a otro periodo de alegaciones.

A simple vista e sen ter máis información ao respecto semella que se trata dunha nova positiva para os veciños e veciñas das parroquias afectadas do Concello de Nogueira de Ramuín. Así e todo, haberá que agardar a coñecer con detalle o alcance da mesma para aventurarse a realizar unha valoración ao respecto, xa que como bo galego gosto de imitar a Santo Tomás.

Mais ao volver ler os titulares anteriormente expostos non podo deixar de fixarme nun comentario recurrente en todos eles.

Dun xeito ou outro, todos falan de que si Fomento “volverá a expoñer ao público o trazado”, “someterá o trazado a outro período de alegacións”, etc.

Non perdamos a perspectiva. Claro que é unha boa nova que abran período de alegacións, mais lembremos que para a “alternativa mixta Ourense 9”, que discorre por onde naceu a plataforma contra a A-76 pola Ribeira Sacra, sería a primera vez que o fixeran, xa que este trazado en ningún momento foi exposto a información pública. Foi un trazado acordado entre o órgano promotor e o órgano ambiental (BOE de 14-8-2013) definitivamente aprobado (BOE de 08-02-2014) sen dar opción a facer alegacións ao respecto. O único que se expuxera (BOE de 05-09-2008), foran as oito alternativas que se barallaban naquel intre das que, dito sexa de paso, o noso Concello tampouco nos informou. De aí as constantes manifestacións da Plataforma sobre a indefensión sufrida por todos os veciños e veciñas das poboacións afectadas, e de aí tamén, a urxente necesidade de actuar xuridicamente interpoñendo o recurso contencioso administrativo baseado precisamente nesa indefensión.

Unha vez aclarado este punto considero que debemos saudar positivamente esta nova, pero sen esquecer que o obxectivo da Plataforma é acadar a elaboración dun proxecto alternativo ao trazado actual da A-76 ao seu paso pola Ribeira Sacra, que non afecte a núcleo de poboación algún e que non poña en perigo esa zona de especial fraxilidade paisaxística, en trámite para ser nomeada Patrimonio da Humanidade pola UNESCO. O obxectivo é que se anule esta aberración de trazado, porque se ben dende o punto de vista ecolóxico e paisaxístico esto é importante, o é tanto ou máis dende o punto de vista humano. Non esquezamos que esas poboacións, que quedarían totalmente afectadas a causa do tantas veces mencioado trazado, son o modo de vida de moitos pais, avós e netos que diariamente fan a súa vida alí e gozan das súas casas, das súas terras e da fermosura da súa paisaxe.

Todos os apoios suman. Todos os apoios se agradecen. E ogallá que ENTRE TOD@S academos poñer un pouco de senso en todo isto porque alternativas, “habelas hailas” so fai falla querer atopalas.

Ribeirán Forever

Fontes:

Deputación de Ourense

La Región

El Correo Gallego

O Concello de Nogueira de Ramuín presenta por fin moción de apoio á Plataforma

20140613_091759

Dende a Plataforma valoramos que por fin 3 meses despois da nosa loita e trala indefensión sufrida anteriormente o Concello de Nogueira de Ramuín comece a asumir responsabilidades e a tomar medidas ao respecto.

Non obstante, consideramos a moción aprobada no Pleno ao que acudimos o pasado venres 13 de xuño totalmente insuficiente. Tendo en conta a gravísima afección que o trazado da autoestrada A-76 proxectado vai supoñer sobre diversos núcleos de poboación do municipio, e como institución que nos representa máis directamente, non poden limitarse a  presentar a mesma moción que aprobou no seu día a Deputación de Ourense por maioría absoluta, na que se solicitaba a Fomento a reapertura ou ampliación do período de alegacións.  De ahí a nosa decepción co grupo de Goberno, que se negou a pedir a anulación total do tramo que discorre polo Concello. Lamentamos ademáis o feito de que varios membros deste grupo abandonasen a sala xusto no momento no que o Alcalde, César Parente, cedeu a palabra á veciñanza, sen dar ningún tipo de explicación ou pedir desculpas aos presentes por ter que marchar.

Manifestamos a nosa intención de reunirnos de novo co Alcalde e os representantes dos grupos políticos do Concello para solicitar unha posición clara e unánime contra o actual trazado que atravesará Nogueira de Ramuín, porta de acceso á Ribeira Sacra por Ourense, e a solicitude ao Ministerio de Fomento da anulación do mesmo, así como a busca de solucións alternativas máis ecolóxicas, económicas e sensatas, onde se teña en conta especialmente o proceso de candidatura da Ribeira Sacra a Patrimonio da Humanidade.

 Ver no apartado de Prensa as aparicións nos medios de esta noticia.

Las 10 preguntas y una de regalo

“Una mañana temprano cogí mi caballo y me fui a pasear”

Una mañana temprano cogí mi teclado y me puse a escribir rezumando preguntas sin respuesta:

1 . ¿ Por qué en pleno 2014 aún hay gente que hace o dice cosas sin informar (trazado de la A-76) ?.

2. ¿ Por qué la gente afectada por la alternativa 9 sigue sin dormir y con dolor de cabeza?.

3. ¿ Por qué después de las informaciones de prensa local, regional y nacional de que se puede “ abrir el plazo de alegaciones” la gente no las tiene todas consigo?.

4. ¿ Porqué en este país tienes siempre que defender tus derechos organizándote, hablando en voz alta, reivindicando, y llevando trabajo para que te escuchen?.

5. ¿ Por qué el Sr. Alcalde no se puso al frente de toda negociación?

6. ¿ Por qué la Diputación tomó carta en el asunto dos meses más tarde?.

7. ¿ Por qué nos vemos obligados a informar nosotros a los ciudadanos de lo que quieren hacer en la Ribeira Sacra?

8. ¿ Por qué la Xunta de Galicia está pero como si no estuviera?.

9. ¿ Por qué si no andamos los afectados finos nos pilla el toro?.

10. ¿ Por qué cada vez que escucho, hablo, escribo algo sobre el tema de la autovía se me pone mal cuerpo y se hinchan las venas?.

11. ¿¿ No será que a estos políticos “defensores de los ciudadanos” les falla el antivirus??.

Madofe34.

A novena alternativa

A novena alternativa é a que nos levou a este punto, a ter que utilizar á presa e correndo a última oportunidade que tiñamos na vía xurídica para loitar contra esta barbaridade que nos queren impoñer.

Disque desde Fomento aseguran que o trazado da A-76 (Ponferrada-Ourense) particularmente o subtramo entre Os Peares e Ourense, é a mellor solución funcional e medioambiental e lémbrannos que o proceso de información pública xa se efectuou no ano 2008, incluíndose nel as oito alternativas posibles, pudendo presentar tanto as Administracións como os particulares as alegacións que consideraron oportunas.

É certo, as OITO alternativas posibles foron expostas ao público en setembro do 2008. Naquel momento, como se pode ler no anuncio polo que se somete a información pública a aprobación provisional do estudio informativo “Autovía A-76 Ponferrada-Ourense” Provincias de León, Lugo e Ourense, (BOE de cinco de setembro), daban como favorable a alternativa Ourense 7, e sí, claro que houbo alegacións.

Debeuse poñer a cousa tan complicada que finalmente o promotor e o órgano ambiental decidiron adoptar unha nova alternativa á que denominaron Ourense 9 (BOE de 14-8-13). Casualmente esa decisión é a que se “esqueceron” de comunicarnos, a que non tivo exposición pública e a que provocou a INDEFENSIÓN dos veciños e veciñas das parroquias afectadas en Nogueira de Ramuín e a apresurada agrupación dos mesmos en Plataforma.

É a alternativa 9 a que dende o día 13 de marzo de 2014 (día en que gracias a un empregado do Concello nos decatamos do que estaba por acontecer) non nos deixa durmir e polo visto, a estas alturas, parece que lle empeza a quitar o sono ata ao Ministerio.

Por outra banda, eso de que é a mellor solución funcional e medioambiental sería necesario matizalo moito máis.

Reflexionemos por un momento e pensemos: se fixeron tantas modificacións no trazado a raíz das diferentes alegacións que foron recibindo e despois de que os técnicos xa tiñan o seu trazado favorable o cal foron mudando ata chegaren á novena alternativa, esa que finalmente elaboraron e da que, polo tanto, ningún veciño tiña coñecemento, ¿cómo están tan seguros de que é a mellor?

A min, ao marxe de parecerme unha aberración absoluta e un verdadeira agresión á Riberia Sacra en xeral e as parroquias de Viñoás e da Carballeria en particular, lévame a pensar máis alá ¿que interese pode esconder todo esto? ¿Por qué o Alcalde de Nogueira non contestou ás preguntas da súa veciñanza desde o principio? ¿Porque comezaron a poñerse nerviosos cando os propios veciños e veciñas interpuxeron o recurso contencioso administrativo? ¿Por qué un mes e medio máis tarde, ata o Ministerio intenta xustificar este trazado? ¿Porqué a día de hoxe a veciñanza aínda non temos acceso ao todo o expediente administrativo?

Se está tan claro que é a mellor solución, ¿que problema habería en deixar que aqueles veciños e veciñas, que claramente sufrimos unha INDEFENSIÓN, fagamos as nosas alegacións? ¿Que problema habería en darnos a oportunidade de demostrar a Fomento que este non é precisamente o trazado máis adecuado?

Retomemos a pregunta inicial, se tiñan oito alternativas e a raíz das alegacións realizadas tiveron que argallar unha novena, quen sabe, posiblemente, se nos deran a oportunidade de expresar os nosos reparos á esa novena alternativa, igual xa non se vía tan claro eso de que é mellor solución funcional e medioambiental. Ao mellor habería que empezar a pensar nunha DÉCIMA alternativa.

En definitiva, un pouquiño de respecto á veciñanza, que non nos queiran facer comulgar con rodas de muíño. ¿Ou seica pensan que toleamos tanto que en lugar de aproveitar as alegacións gratuítas no seu momento, preferimos agardar ata uns días antes de rematar o prazo para interpoñer o recurso contencioso administrativo ante a Audiencia Nacional, pagando, e coas taxas cada vez máis elevadas? Un pouquiño de seriedade por favor.

 

Ribeirán Forever