Xuntanza co Delegado da Xunta en Ourense e o Presidente da Comisión de Fomento #A76

Nestes días vacacioais e de grandes calores estivais, a Plataforma contra a A76 pola Ribeira Sacra continúa co seu traballo de defensa das súas reivindicacións. Fai hoxe unha semana dúas representantes da Plataforma mantiveron unha xuntanza con Rogelio Martínez (Delegado Territorial en Ourense da Xunta de Galicia) e Celso Delgado (Deputado no Congreso por Ourense e Presidente da Comisión de Fomento).

O obxectivo desta reunión era coñecer de primeira man o estado actual do proxecto da autoestrada, sobre todo, despois de que xa pasaron varios meses do compromiso da Ministra de Fomento, Ana Pastor, de abrir un período de alegacións para o tramo que atinxe á Ribeira Sacra. Neste senso, Celso Delgado comunicounos que dende o Ministerio tiñan previsto comezar a desenvolver o proxecto da autoestrada nos primeiros tramos (os que afectan a O Bierzo e Valdeorras), e que o noso se atopaba paralizado e pendente de abrir prazo para formular alegacións. Do mesmo xeito, asegurounos que tan pronto se abrira o prazo para alegar a Plataforma sería das primeiras en coñecelo e que habería tempo suficiente para poder preparar as alegacións. Por outra banda, tamén nos comunicou que o propio Ministerio está a estudar posibles alternativas ao trazado aprobado que descorre pola Ribeira Sacra.

Rogelio Martínez transmitiunos que desde a Xunta de Galicia se entenden as nosas reivindicacións e esperan que se acade unha solución satisfactoria para todos, mais tamén nos lembrou que esta infraestrutura non era competencia autonómica. Desde a Plataforma comentámoslle que aínda que esta autoestrada é de competencia estatal, nos consideramos que o goberno autonómico algo terá que dicir sobre a mesma, pois descorre polo seu territorio e afecta gravemente ao seu patrimonio social, cultural e medioambiental. Do mesmo xeito, reiterámoslle que levamos case un ano agardando unha xuntanza con Alberto Núñez Feijóo, pois ademáis de ser o presidente da Xunta e un veciño máis da zona afectada e para nós sería moi interesante saber de primeira man o seu posicionamento sobre iste tema.

Anuncios

Un ano de loita. Toca facer balance…

Hoxe cúmplese un ano dende que os veciños e veciñas de Nogueira de Ramuín nos enteramos por azar da triste nova de que o trazado da autoestrada A-76 ía atravesar as nosas aldeas e parte do territorio da Ribeira Sacra, candidata a Patrimonio da Humanidade, así que toca facer balance…

Un ano de loita, que se dí pronto, no que non podemos máis que dar GRAZAS e manifestar o noso orgullo, posto que co voso apoio e a axuda de todos e todas vos, son moitos os pequenos pasos que levamos dado na procura dunha alternativa máis sensata para este proxecto, que trate de preservar o valor patrimonial, natural e social da Ribeira Sacra.

365 días de traballo e colaboración co que conseguimos o apoio de moitas das institucións afectadas tais como a Deputación de Ourense, o Concello de Nogueira de Ramuín (aínda que un apoio tardío e moi insuficiente…), os Concellos de Coles e a Peroxa e o Valedor do Pobo xunto co seu equipo técnico, ademáis do firme compromiso da Ministra de Fomento, Ana Pastor, de abrir o período de exposición pública para o tramo de Monforte a Ourense, que convén recordar, nunca estivo exposto como tal.

Non é o caso da Xunta de Galicia que, por máis citas que temos pedido dende fai meses co señor Presidente Alberto Núñez Feijóo, o anterior Conselleiro de Cultura Xesús Vázquez e o delegado da Xunta en Ourense Rogelio Martínez, parece que a cousa non vai con eles… Porque non podemos crer que a estas alturas aínda non se fixesen eco das nosas reivindicacións… Tendo en conta ademáis que o señor Feijóo é veciño da zona… Esperamos que, antes de maio, algún deles poida recibirnos, porque, dicimos nós, alguna opinión terán ao respeto… ou é que non lles afecta que un dos valores máis importantes en Galicia como é a Ribeira Sacra vaia a sucumbir baixo o asfalto? Ven Fomento, mételles unha autoestrada no territorio do que son representantes públicos e de verdade que eles non teñen nada que dicir? Enfin…

Qué todavía nos queda tempo de loita por diante, polo que unha vez máis dende aquí agradecémosvos que continuedes ao noso lado, porque estamos convencidos e convencidas de que xuntos, habémolo conseguir!! E que algún destes días, o sentido común primará neste asunto.

Polo de pronto, esperamos que en breve, Fomento abra ese período de alegacións para que poidamos empezar a exercer o noso dereito á defensa do noso patrimonio, un patrimonio de TOD@S.
#RibeiraSacraPatrimonioHumanidade

reunion.ana.pastor.manuel.baltar.e.representantes.plataforma.NON.A.76.01

Carta de un vecino de Coles: “Autovía A-76 en positivo”

Os dejamos aquí una carta de un vecino de Coles sobre la A-76 aparecida hoy en los diarios La Región de Ourense y Diario de León, en la sección de Cartas al Director:

“Vecinos residentes en los ayuntamientos ourensanos de Coles, A Peroxa y Nogueira de Ramuín y del lucense Pantón, afectados por la futura autovía A-76 de Ponferrada a Ourense, NO NOS OPONEMOS A SU CONSTRUCCIÓN, pero sí manifestamos nuestra OPOSICIÓN clara a la construcción del tramo de esta autovía entre Coles (Ourense) y Monforte de Lemos pasando por Os Peares y, por tanto, ocupando territorio de estos cuatro ayuntamientos y de la propia Ribeira Sacra. Nos basamos para ello fundamentalmente en lo siguiente:

1. Para comunicar Ourense con Ponferrada debe aprovecharse el trazado de la autovía A-56 de Ourense a Chantada, pendiente de ejecución y la conexión de Chantada a Monforte por la ya proyectada autovía A-72 que unirá ambas poblaciones. Esta solución nos evita a todos los contribuyentes despilfarrar los más de 350 millones de euros que costará la A-76 de Monforte a Ourense (más de 11 millones de euros por kilómetro en este tramo); la lógica solución que proponemos representa un gasto público de CERO euros, estando previsto que las dos autovías por Chantada entren en funcionamiento antes de 2018.

2. Para satisfacer las legítimas demandas de comunicación rápida de Valdeorras y El Bierzo con el resto de Galicia, y en especial con sus puertos, es igual de válida esta solución a través de Chantada. Comunicar Monforte con Coles (la A-76 acaba en la A-56 en el ayuntamiento de Coles, no en el ayuntamiento de Ourense) atravesando la Ribeira Sacra y estos 4 ayuntamientos sólo ahorrará NUEVE minutos de tiempo de viaje respecto al recorrido por Chantada. Siendo cierto que la distancia de Ourense a Monforte es menor por Os Peares que por Chantada, la prevista limitación de la velocidad máxima a 80 kilómetros por hora para la casi totalidad del tramo de la A-76 por la Ribeira Sacra en lugar de los 120 kilómetros por hora que se permitirá en todo el recorrido por Chantada, hacen que la diferencia en tiempo entre ambos recorridos sea ínfimo.

3. La construcción de la A-76 entre Coles (Ourense) y Monforte de Lemos (Lugo) provocará un altísimo impacto negativo en aspectos medioambientales, poblacionales, económicos, agrícolas, de salud pública, de comunicación entre pequeñas poblaciones e incluso turísticos. Se impedirá para siempre la posibilidad de que la Ribeira Sacra pueda ser declarada Patrimonio de la Humanidad; desaparecerán miles de hectáreas de suelo agrícola fundamentalmente dedicadas hoy a viñedos acogidos a la D.O. Ribeira Sacra y a la denominación específica de origen Val do Miño, así como la implantación de futuras parcelas de cultivo de este recurso tan importante en estos ayuntamientos. A pesar de que los cuatro ayuntamientos se asientan en una zona de elevado valor paisajístico, la construcción de esta infraestructura dificultará su desarrollo turístico.

4. El recorrido de ambas autovías, A-56 y A-76, por el centro geográfico del ayuntamiento de Coles desmembrará su territorio en tres áreas que quedarán incomunicadas entre sí al quedar cortadas numerosas vías de comunicación entre sus poblaciones. Y, si pensamos en las posible compensaciones económicas que se recibirán por las expropiaciones, debemos recordar que sólo las propiedades que queden ocupadas físicamente por las calzadas de la autovía A-76 recibirán indemnización, mientras que las que queden afectadas por su trazado difícilmente serán compensadas.

En resumen, un ahorro de 9 minutos no justifica en absoluto la construcción del tramo Monforte a Coles (Ourense) de la autovía A-76, siendo de justicia realizar este recorrido aprovechando las autovías que pasarán por Chantada (Lugo) y que unirán de igual manera Ponferrada con Ourense con todas las ventajas de una vía rápida y segura.”

Miguel González Sobrino. Coles.

Coles: un concello gravemente afectado polo paso da A-76

Coles - Vista Xeral

Coles – Vista Xeral

O pasado sábado varios membros da Plataforma contra a A-76 pola Ribeira Sacra estivemos reunidos con veciños e veciñas do concello de Coles para poñermos en común as problemáticas concretas que suporá a construcción da autoestrada A-76 ao seu paso pola zona.

Compre destacar a singular problemática que posúe este Concello pois sufrirá o paso de dúas autoestradas que descorrerán case en paralelo polo seu territorio: a A56 (Lugo-Ourense) e a A76 (Ponferrada-Ourense).

Aldeas como A Silva, Trasdorrío, Mira de Cima, Ferreiros, Cima de Vila, Izás, Pol ou Paradela sufrirán as consecuencias da construcción da A76 que ao longo do seu trazado romperá e atravesará diversas poboacións afectando incluso a vivendas particulares.

No caso das aldeas de Sequeiros e Seoane a afección terá maior impacto xa que é o lugar onde está proxectado o enlace que unirá as autoestradas A-76 (Ponferrada-Ourense) e A-56 (Lugo-Ourense), o que icluso podería producir a desaparición destas poboacións.

Detalle trazado autoestradas A-76, A-56 e A-72

Detalle trazado autoestradas A-76, A-56 e A-72

Unha das conclusións ás que se chegou na reunión é que se fai bastante incomprensible que o concello de Coles teña que sufrir o impacto destas dúas autoestradas cando a A-56 (Lugo-Ourense), xa aprobada e en execución, e a A-72 (Chantada-Monforte) converten o tramo da A-76 (Monforte-Ourense) nun innecesario despilfarro de recursos públicos e nunha agresión social, patrimonial e medioambiental.

Desde a Plataforma quedamos moi satisfeitos co resultado desta xuntanza, posto que ainda que xa contabamos co apoio do concello de Coles tras unha moción presentada por este no mes de maio, facíase moi necesario intercambiar impresións coa veciñanza.

 

 

 

 

O pasado 2 de outubro

O pasado 2 de Outubro, entereime que se debatía na comisión de Ordenación Territorial da Xunta unha proposición non de lei, presentada no rexistro o día 20 de maio por Consuelo Martínez García, parlamentaria do grupo AGE por Pontevedra, na que propuña ao parlamento de Galicia, que instase ao Ministerio de Fomento a anular a variante 9 da A-76. E de non ser posible, buscar un proxecto alternativo que evitase a afección sobre calquera núcleo habitado, de modo que non deteriore o medio rural e humán da Ribeira Sacra.

A exposición de defensa da proposta por parte da Sra. Consuelo, foi moi acertada e valente, fruto da preparación, do coñecemento e da sensibilidade, proposta apoiada pola parlamentaria do BNG. Non podo dicir o mesmo do resto de parlamentarios da comisión, pois votaron en contra da proposta PP, PSG e a parlamentaria do grupo mixto a Sra. Carmen Iglesias Sueiro, que naceu en Ourense, mestra, e ligada a EU (dous votos a favor, 11 en contra).

Non se trataba de parar a execución da autoestrada, simplemente, pedíase que non afectase a núcleos habitados, habitados por PERSOAS, … Srs. Parlamentarios, son vostedes conscientes do que realmente rexeitaron na comisión?.! Xa vedes o que lles importan as persoas que vivimos no rural!, Casi nada! Qué lixeireza, qué desprezo máis arbitrario! ¿cómo lles vai importar que se destroce unha parte da Ribeira Sacra?. Mirando para outro lado, están vostedes promovendo o desafiuzamento do rural, xa de por sí castigado e penado polas administracións locais.

Por máis voltas que se lle dé, non cabe na cabeza de ninguén. Cómo é posible, que estas persoas que ocupan un posto relevante na administración, elexidos por todos nós para gobernarnos e velar polos intereses do pobo, teñan a desfachatez de ningunearnos, sen inmutarse ante tales aseveracións. Istes yihadistas do rural , vadulaques encadeados os intereses partidistas, servos das grandes empresas, tentan convencernos con discursos babilónicos, argumentos efímeros e rastreiros da necesidade de antepoñer os intereses xerais, ao localismo dunha minoría.

O interese xeral, é o que cambia a Alternativa 7 (a mellor valorada polos técnicos e pola empresa encargada do proxecto) por unha nova que estraga kms de ribeira do Sil e do Miño, para converterse nunha autoestrada de terceira, cunha velocidade media de 80 km/h, e curvas limitadas a 70 km/h.?

É interese xeral, resolver o trazado cunha alternativa nova, que non pasa por un período de exposición pública, a pesares do gravísimo impacto ambiental que provoca na Ribeira Sacra?

É interese xeral, que os veciños de tres parroquias de Nogueira de Ramuín teñamos que resignarnos a sufrir a indefensión e desinformación da administración local durante todo o proceso de información pública?

É interese xeral, que se desvíe o trazado para salvar unha viña en Valdeorras, e que se nos intente sustraer o dereito a defender as nosas casas e a paixase de todos?

Esten tranquilos Srs. Parlamentarios, non lles pedimos cartos, non sufran, e moito menos esmola. Exisimos os nosos dereitos, e rigor, argumenten o seu voto, e non nos condeen sen antes podernos defender.

Iste trazado e incompatible coa Candidatura a Patrimonio da Humanidade da Ribeira Sacra, e SÍ Sr. Gomez Alonso, aínda que lle pese, a autoestrada proxectada A -76 pasa pola Ribeira Sacra, afectando a Rede Natura 2000, concretamente o LIC canon do Sil. Cando se aventure a facer declaracións demagóxicas, tan de moda no mundillo político, pense que ai xente a que non lles valen os trucos de prestidixitador barato, ou  de quincalleiro resabiado, pois e tan sinxelo como abrir as ferramentas das que tamen dispon a Xunta (Visor Sixpac) para comprobar que na desembocadura do Sil no Miño, e dentro da zoa protexida polo LIC, esta proxectado un viaduto de 461 m de longo, que salva o río Sil a unha altura de 160m sobre o mesmo! Impresionante, que un enclave desta natureza, teña que claudicar pola impericia e cabezoneria do xenero humán! Entérese.

Neste país, algunhas persoas, teñen o vicio ancestral de xogar a “move-los marcos”, e esta vez, a Xunta, respaldando a decisión do Ministerio de Fomento, tentaron colarnos a A -76 pola Ribeira do Miño, retirando os marcos do mapa da Rede Natura 2000 (lic canon do sil) cara o interior; peero…, pilláronse as mans, pois quedoulle unha beira do mapa sen retranquear. Logo dirán que só afecta a un anaco, ou que foi un erro topográfico… que sei eu. Poñan o marco onde o poñan, o dano vai ser o mesmo. Os ríos, non van cambiar de sitio.

E voltando os localismos, Srs. Parlamentarios, que consideran vostedes como localismo?

As lexítimas reivindicacions de 10, 20, 50 ,100 … 10000 habitantes?

A consideración como patrimonio da HUMANIDADE dun territorio tamén e localismo?

Localismo, tamén é a xestión que facemos na miña casa, pero presumimos de demócratas, escoitamos e discutimos tódalas discrepancias e suxerencias (esto non me gusta… non quero a sopa… comprame esto ou estoutro…) e despois de meditalas concienzudamente e valoralas, tamen as resolvemos primando o interese xeral, eso sí, sempre e cando as decisións non beneficien a alguén en detrimento de outros.  A base primordial de toda convivencia, e saber tomar decisións consensuadas, sobre todo cando afectan a tódolos que vivimos baixo o mesmo teito.

Déixense de choutar balóns fóra, e teñan a decencia de facer o seu traballo con rigor e seriedade, dense unha volta pola Ribeira Sacra, que como verán esta tan verde coma vostedes en coñecemento da zona; síntana, disfrútena, pois é lugar imcomparable para a relaxación e a reflexión. Reflexionen, e se teñen capacidade para obrar con sentimento, como “persoas” sen ataduras, rectifiquen, saquen a cabeza da terra, ou metana, deisen de se enrrocar, e cando menos, escoiten, informense, e despois discutan no parlamento, porque unha boa decisión se é consensuada, o día seguinte é historia, pero as malas, como as palabras, son as que lastran os feitos e perduran no tempo. Alá vostedes, se son quen de soportar tal lousa no lombo.

Poderánse tornar os ríos e regatos, estragar as súas ribeiras, poderán fender a fraga, achandar os socalcos da ribeira, arrincar carballos e viñas.. pero o que non poderan minar nunca, e o orgullo e a teima do pobo.

Benchodixen.

IMG-20140414-WA0058

Axúdanos a frear este desastre medioambiental, cultural e humán: https://www.change.org/p/no-a-la-autov%C3%ADa-a-76-por-la-ribeira-sacra-por-la-defensa-de-un-patrimonio-milenario 

O Pazo de Celeiros, patrimonio afectado pola A-76 (II)

pazo celeiros

O Pazo de Celeiros atópase situado na aldea do mesmo nome da parroquia de San Xosé da Carballeira (concello de Nogueira de Ramuín) a uns 15 Km. da cidade de Ourense.

O edificio está dentro do núcleo de poboación, na marxe esquerda da estrada Ourense-Monforte, da que o separa un patio-xardín cun muro de cerramento. Arredor hai ladeiras moi pendentes, reforzadas por calzadas onde medran as cepas, prolongadas por un monte frondoso de carballos e castiñeiros.

IMG_9285

IMG_0855

A data de construción do pazo sitúase no século XIX e o seu fundador foi o cóengo D. Xoán Martínez. Na actualidade atópase habitado e ten como uso o de vivenda habitual.

É un edificio de planta cuadrangular con patio interior con solaina no contorno (precedida dunha escada con dous tramos) e está construído en perpiaños ben labrados e de excelente calidade.

A porta principal comunica co patio a través dun vestíbulo e no interior atopámonos con dúas plantas separadas por unha imposta que presentan unha gran regularidade no seu conxunto. As fiestras son rectangulares, contando con “portas de ar” con forxados de ferro.

Ten unha cuberta con catro augas onde se ergue unha gran cheminea duns tres metros de altura rematada en cornixa con catro remates a xeito de pirámide.

O pazo conta cun pombal e cunha capela separada da casa dedicada a San Xoán.

IMG_9295

Os propietarios do pazo son descendentes do ensaísta e polígrafo da primeira ilustración española Frei Benito Jerónimo Feijóo e Montenegro, nado en 1764 no pazo de Casdemiro no cercán concello de Pereiro de Aguiar.

 V. Barber.

Xornada Festivo-Informativa sobre a A-76

O vindeiro domingo 5 de outubro a partir das 10 da mañá a Plataforma Contra a A-76 pola Ribeira Sacra celebrará  unha xornada festivo-informativa  que tratará de dar a coñecer o patrimonio material e inmaterial, a paisaxe e os núcleos de poboación polos que está previsto que discorra a autoestrada A-76.

 Esta xornada incluirá:

  • ROTEIRO SOBRE A A-76:

Este Roteiro transcorrerá polas aldeas de Souto de Chao (saída), A Seara, Casdecid, Vilanova, Barxela, Zumento, Celeiros, O Val, Forraqueira, A Pereira, Ferreirúa e A Penalba ata rematar na capela da Costria.

Todo o percorrido pasará polas poboacións das parroquias de Viñoás e a Carballeira (Nogueira de Ramuín, Ourense) que se verán gravemente afectadas pola construcción desta vía de alta capacidade.

  • XANTAR POPULAR:

Celebrarase unha comida popular na contorna da capela da Costria.

Haberá unha pulpeira para quen queira comer polbo á feira previo encargo (Telf. 622236424-615422437).

  • MÚSICA E OUTRAS ACTIVIDADES LÚDICAS:

Rematada a comida popular continuarase a xornada festiva co acompañamento musical da charanga B.C.B.  e outras actividades lúdicas como a actuación solidaria do monologuista Tito Rober.

  • CONCURSO FOTOGRÁFICO:

Finalidade: Divulgar as nosas reivindicacións e plasmar a beleza das nosas paisaxes, aldeas e costumes.

Bases do concurso:

Máximo 2 fotografías por participante tomadas durante a xornada.

Plazo presentación fotografías: Sábado 11 de Outubro

(Enviar fotos a pcontraautoviaribeirasacra@gmail.com)

Plazo votacións: Sábado 18 de Outubro

Votacións: Publicaranse as fotografías en Facebook, e os seguidores da Plataforma escollerán a foto gañadora cos seus votos, sendo a foto gañadora a que máis votos consiga.

En caso de empate, expoñeránse durante un prazo de 3 días,  únicamente as fotos que conseguiran o empate, e volveráse a facer unha nova votación pública,  para acadar unha única foto gañadora.

Publicaranse sen  nome de autor e según orde de recepción para velar pola transparencia e igualdade do concurso

Cada concursante, ó enviar a fotografía, cede os dereitos de autor para facer uso con fins divulgativos das actividades da Plataforma Non A-76. En ningún caso se utilizarán con fins comerciais.

Premio: Cea para dous personas no hotel rural O Remanso dos Patos, Penalba, Nogueria de Ramuín.

Anímate e CAMIÑA CON NÓS CONTRA A A-76 pola RIBEIRA SACRA!!! 

CARTEL ROTEIRO

CÓMO CHEGAR: 

Punto de partida do Roteiro: Souto do Chao, aldea ubicada na marxe da comarcal  C-546 (Coordenadas 42.415627, -7.775586).  Saíndo de Ourense pola Lonia, coller hacia Velle e seguir sen desviarse pola C-546 estrada vella de Monforte durante 13 km aprox. pasando polas aldeas de Velle, Vilariño, Melias e o cruce de Almorfe ata chegar ao destino. Outra opción, dende Ourense coller a nacional N-120 dirección Monforte e apartar á dereita no cruce que pon Melias. Continuar en Melias pola C-546 uns kilómetros ata chegar a Souto do Chao.

Capela da Costria para o xantar: Dende Ourense coller dirección Monforte pola nacional N-120 durante 17 km e apartar  á dereita no cruce Luintra-Parador Santo Estevo un pouco antes de chegar a Peares (Coordenadas Costria 42.441225, -7.743575)

 Para máis información: pcontraautoviaribeirasacra@gmail.com

De Feira en Luintra no #DíadeGalicia

Como cada vintecinco de mes, o pasado venres, había feira en Luintra (Nogueira de Ramuín). Este era un vintecinco especial, xa que se celebraba o día da Nosa Terra, o día do Apóstolo.

Para os veciños de Penalba, Carballeira, Ferreirúa… tamén foi un 25 diferente, xa que acudiron a Luintra coa Mesa informativa, convertindo esta xornada, non só nun día lúdico, senon tamén reivindicativo, onde tiveron a oportunidade de expoñer aos veciños do Concello así como aos turistas que se achegaban polo lugar, as afeccións da A76 pola Ribeira Sacra, os planos do trazado e mostrar que inda quedan folgos para continuar con esta loita.

IMG-20140725-WA0016
IMG-20140725-WA0013

Unha vez máis grazas polo apoio, pola vosa solidaridade, polos ánimos e polas sinaturas que acadamos, porque cada unha destas sinaturas, cada unha das vosas verbas de alento, son un motivo máis pra continuar.

Seguiremos facendo mesas informativas e outras actividades nas que xa estamos traballando . En canto teñamos confirmación das mesmas, teredes coñecemento a través da páxina de facebook, twitter e aquí no blogue.

Porque a Ribeira Sacra é Patrimonio da Humanidade, nos pertence a todos… NON podemos permitir que nola asoballen. NON A-76 pola Ribeira Sacra!!!

Reflexións sobre as últimas novas da A-76 na Ribeira Sacra

Vista do Miño e de "O Mesón"

Vista do Miño e de “O Mesón”

Nos últimos días puidemos ler, tanto na páxina de Deputación de Ourense como nalgúns xornais provinciais e autonómicos, titulares coma estes:

BALTAR CONSEGUE QUE FOMENTO ABRA UN NOVO PERÍODO DE INFORMACIÓN PÚBLICA NO TRAMO DA PENALBA

LA AUTOVÍA A-76 SERÁ SOMETIDA A OTRO PERÍODO DE ALEGACIONES EN LA RIBEIRA SACRA

Fomento comunicó a Manuel Baltar que volverá a exponerlo al público y revisará el trazado, mientras licita el resto de tramos para evitar demoras

LA A-76 A SU PASO POR PENALBA SE ABRIRÁ OTRA VEZ A INFORMACIÓN

EL TRAZADO DE LA A-76 EN LA RIBEIRA SACRA PODRÁ VARIAR

Baltar consigue que Fomento acepte someter al polémico tramo a otro periodo de alegaciones.

A simple vista e sen ter máis información ao respecto semella que se trata dunha nova positiva para os veciños e veciñas das parroquias afectadas do Concello de Nogueira de Ramuín. Así e todo, haberá que agardar a coñecer con detalle o alcance da mesma para aventurarse a realizar unha valoración ao respecto, xa que como bo galego gosto de imitar a Santo Tomás.

Mais ao volver ler os titulares anteriormente expostos non podo deixar de fixarme nun comentario recurrente en todos eles.

Dun xeito ou outro, todos falan de que si Fomento “volverá a expoñer ao público o trazado”, “someterá o trazado a outro período de alegacións”, etc.

Non perdamos a perspectiva. Claro que é unha boa nova que abran período de alegacións, mais lembremos que para a “alternativa mixta Ourense 9”, que discorre por onde naceu a plataforma contra a A-76 pola Ribeira Sacra, sería a primera vez que o fixeran, xa que este trazado en ningún momento foi exposto a información pública. Foi un trazado acordado entre o órgano promotor e o órgano ambiental (BOE de 14-8-2013) definitivamente aprobado (BOE de 08-02-2014) sen dar opción a facer alegacións ao respecto. O único que se expuxera (BOE de 05-09-2008), foran as oito alternativas que se barallaban naquel intre das que, dito sexa de paso, o noso Concello tampouco nos informou. De aí as constantes manifestacións da Plataforma sobre a indefensión sufrida por todos os veciños e veciñas das poboacións afectadas, e de aí tamén, a urxente necesidade de actuar xuridicamente interpoñendo o recurso contencioso administrativo baseado precisamente nesa indefensión.

Unha vez aclarado este punto considero que debemos saudar positivamente esta nova, pero sen esquecer que o obxectivo da Plataforma é acadar a elaboración dun proxecto alternativo ao trazado actual da A-76 ao seu paso pola Ribeira Sacra, que non afecte a núcleo de poboación algún e que non poña en perigo esa zona de especial fraxilidade paisaxística, en trámite para ser nomeada Patrimonio da Humanidade pola UNESCO. O obxectivo é que se anule esta aberración de trazado, porque se ben dende o punto de vista ecolóxico e paisaxístico esto é importante, o é tanto ou máis dende o punto de vista humano. Non esquezamos que esas poboacións, que quedarían totalmente afectadas a causa do tantas veces mencioado trazado, son o modo de vida de moitos pais, avós e netos que diariamente fan a súa vida alí e gozan das súas casas, das súas terras e da fermosura da súa paisaxe.

Todos os apoios suman. Todos os apoios se agradecen. E ogallá que ENTRE TOD@S academos poñer un pouco de senso en todo isto porque alternativas, “habelas hailas” so fai falla querer atopalas.

Ribeirán Forever

Fontes:

Deputación de Ourense

La Región

El Correo Gallego

Recollida de Firmas en #Ourense #Grazas

IMG-20140621-WA0008

Este sábado 21 de xuño varios membros da Plataforma estivemos recollendo firmas e informando sobre a afección do trazado da A-76 pola Ribeira Sacra na Rúa do Paseo de Ourense. Dende aquí queremos agradecer unha vez máis a tód@los que vos achegástedes a nosa mesa informativa e firmástedes en apoio á nosa Plataforma. O tempo acompañóu a medias coa forte tormenta que caeu pola tarde anegando parte da cidade…Pese a todo, non impediu levar a cabo o noso principal obxectivo: a difusión dun asunto que nos vai afectar a tódol@s ourensáns, pois está en xogo un dos nosos maiores tesouros naturais, a Ribeira Sacra, en trámite  a ser considerada Patrimonio da Humanidade.

O domingo 22 tocóunos xornada de traballo (combinada con diversión, que tamén ven ben de vez en cando) para a grabación dun vídeo que estamos a preparar e do que por agora non adiantaremos nada…mellor que sexa sorpresa… 🙂

10451168_546636735447836_5460091567054615058_n

Como vedes, a nosa loita continúa, e seguimos precisando de vós. Ademáis de firmar nas nosas mesas, recordámosvos que podédes a través do noso blog imprimir as follas, recoller firmas entre os vosos amigos e coñecidos e enviárnoslas, ou firmar tamén na nosa petición de change.org. 

Sen máis, qué pasedes Boa Noite de San Xoán, a ver se meigas e bruxas nos botan tamén unha man…